Эркаклар ўртасида Ўзбекистон чемпионати биринчи лигасида иштирок этишга қуйидагилар эга: 

- 2019 йилги эркаклар ўртасида Ўзбекистон чемпионатида камида 6 очко тўплаган иштирокчилар;

- 2019 йилги эркаклар ўртасида Ўзбекистон чемпионати Олий лигасида 7-13 ўринни эгаллаган спортчилар;

- 2019 йилги фаҳрийлар ўртасида Ўзбекистон чемпионатида 1-4 ўринни эгаллаган  қатнашчилар;

- 2019 йилги 14,16,18 ёшгача ўғил болалар ўртасида Ўзбекистон чемпионатида 1-3 ўринни эгаллаган спортчилар;

- Қорақалпоғистон Республикаси, вилоятлар ва Тошкент шаҳрининг 3 нафаргача совриндор спортчилари;

- ФИДЕ рейтинги 2100 дан кичик бўлмаган спортчилар.

     1-4 ўринни эгаллаган спортчилар 2020 йилги эркаклар ўртасида Ўзбекистон чемпионати

Олий лигасида иштирок этиш имкониятига эга бўлади.

Аёллар ўртасида Ўзбекистон чемпионати биринчи лигасида қуйидагилар иштирок этмоқда:

- 2019 йилги аёллар ўртасида Ўзбекистон чемпионати Олий лигасида 7-10 ўринни эгаллаган спортчилар;

- 2019 йилги 12,14,16,18 ёшгача қизлар ўртасида Ўзбекистон чемпионатида 1-3 ўринни эгаллаган спортчилар;

- Қорақалпоғистон Республикаси, вилоятлар ва Тошкент шаҳрининг 3 нафаргача совриндор спортчилари;

- ФИДЕ рейтингига эга спортчилар.

      1-4 ўринни эгаллаган спортчилар 2020 йилги аёллар ўртасида Ўзбекистон чемпионати

Олий лигасида иштирок этиш имкониятига эга бўлади.

Мусобақа швецарча тизимда 9 турда ўтказилади. Хар бир иштирокчига ўйин охирига қадар 90 дақиқа вақт ҳамда биринчи юришдан бошлаб, 30 сония вақт қўшиб борилади. Биринчи ўринни аниқлашда икки ва ундан кўп иштирокчиларда очколар сони тенг бўлса, ўринлар қуйидаги қўшимча кўрсаткичларга кўра тақсимланади: 1)Ўзаро учрашув (агар барча очколари бир хил иштирокчилар ўзаро бир-бирлари билан ўйнаган бўлса); 2) Бухгольц, 3) Кўпроқ ғалабалар сони,                           4) Қораларда кўпроқ ғалаба сони.

Мусобақа натижалари : 

Аёллар ўртасида қуръа натижалари 

Эркаклар ўртасида қуръа натижалари 

Мусобақа 15 февралга қадар давом этади.

Мусобақада барча иштирокчиларга муваффақиятлар тилаймиз!